મિથુ મુખર્જીનું 71 વર્ષની ઉંમરે અવસાન, કેન્સર સાથે લાંબી લડત

બંગાળી સિનેમા ની પ્રસિદ્ધ અભિનેત્રી મિથુ મુખર્જીનું 71 વર્ષની ઉંમરે અવસાન થયું. તેઓ લાંબા સમયથી કેન્સર જેવી ગંભીર બીમારી સાથે સંઘર્ષ કરી રહી હતી અને મુંબઈના એક હોસ્પિટલમાં સારવાર દરમિયાન તેમનું અવસાન થયું. તેમના અવસાનથી ફિલ્મ જગતમાં શોકની લહેર ફેલાઈ છે.

મિથુ મુખર્જીએ 1970 અને 1980 ના દાયકામાં બંગાળી અને હિન્દી સિનેમામાં પોતાની અલગ ઓળખ બનાવી. તેમને 'ટૉલિવૂડ ની રેખા' તરીકે પણ ઓળખવામાં આવતું હતું. તેમણે અનેક યાદગાર ફિલ્મોમાં કામ કર્યું, જેમાં 'મર્જીના અબ્દુલ્લા', 'નિશિ કન્યા', 'મૌચાક', 'સ્વયંસિદ્ધા', 'હોટલ સ્નો ફોક્સ', 'ભાગ્યચક્ર', 'સંધિ', 'ફાધર' અને 'આશ્રિતા' શામેલ છે.

તેમણે હિન્દી ફિલ્મોમાં પણ અભિનય કર્યો, જેમાં દુલાલ ગુહાની 'ખાન દોસ્ત', બાસુ ચટર્જી ની 'સફેદ ઝૂઠ', 'દિલલગી' અને 'દો લડકે દો બોધે' મુખ્ય છે. 1980 ના દાયકામાં 'દુજાને' પછી તેમણે ફિલ્મોથી દૂર રહેવાનું નક્કી કર્યું હતું, પરંતુ 1990 માં ચંદ્ર બરોટની 'આશ્રિતા'થી વાપસી કરી. ત્યારબાદ તેમણે જાહેર જીવનથી દૂર રહેવાનું પસંદ કર્યું અને ખાનગી જીવનને પ્રાથમિકતા આપી.

તેમની તબિયત છેલ્લા એક વર્ષથી સતત ખરાબ ચાલી રહી હતી. કેન્સર સાથે લાંબી લડત પછી તેમનું અવસાન મુંબઈના હોસ્પિટલમાં થયું. તેમના અવસાનની ખબર મળતાં ઓલ ઇન્ડિયન સિને વર્કર્સ એસોસિએશને તેમને શ્રદ્ધાંજલિ આપી અને તેમના યોગદાનને યાદ કર્યું. અભિનેતા પ્રસેંજીત ચટર્જીએ પણ સોશિયલ મીડિયા પર તેમના અવસાન પર દુઃખ વ્યક્ત કર્યું અને કહ્યું કે તેમની યાદો અને કામ હંમેશા જીવંત રહેશે.